Siońnia Jeŭropa piarojdzie na letni čas
Biełaruś, jak Rasija i krainy SND, strełki hadzińnikaŭ užo niekalki hadoŭ nie pieravodziać.
U noč na 29 sakavika strełki hadzińnikaŭ buduć pieraviedzienyja na hadzinu napierad. Na letni čas piarojduć krainy ES, Ukraina, šerah krain u śviecie.
Roźnicy ŭ časie pamiž Minskam i Kijevam, Vilniaj, Ryhaj i Talinam nie budzie. Z Varšavaj i Bierlinam roźnica ŭ časie budzie składać hadzinu.
U Biełarusi strełki pieravodzić nie treba, naša kraina, jak i Rasija, i mnohija krainy SND nie pieravodzić strełki z 2011 hoda.
Ale navat kali vy i žyviacie ŭ Jeŭropie, to sučasnyja hadžety, chutčej za ŭsio, sami pieraviaducca. Zastajecca pieravieści tolki naściennyja i naručnyja hadzińniki, tajmiery ŭ duchoŭkach i mikrachvaloŭkach.
Letni čas budzie dziejničać da apošniaj niadzieli kastryčnika.