Pucin nazvaŭ vajnu va Ukrainie praviednaj baraćboj za budučyniu pakaleńniaŭ
«Za śviaščennaje histaryčnaje prava našaha naroda razmaŭlać na rodnaj movie», — skazaŭ prezident Rasii.
Fota: Ramil Sitdikov Pool Photo via AP
«Vajennaja apieracyja va Ukrainie źjaŭlajecca praviednaj baraćboj za budučyniu pakaleńniaŭ», — zajaviŭ prezident Rasii Uładzimir Pucin na ŭračystym viečary z nahody dziesiacihodździa Rashvardyi, što prajšoŭ u Kramloŭskim pałacy, pieradaje pres-słužba Kramla.
Rasijskija vajskoŭcy, adznačyŭ jon, u dadzieny momant znachodziacca na bajavych pazicyjach i viaduć «ciažkuju bajavuju pracu». Prezident Rasii ŭkazaŭ, što idzie havorka pra praviednuju baraćbu.
«Našy tavaryšy zmahajucca za Rasiju, u hetuju samuju chvilinu znachodziacca na bajavych pazicyjach, na ahniavych rubiažach, upeŭniena viaduć ciažkuju bajavuju pracu. Heta praviednaja baraćba za mirnaje, svabodnaje, biaśpiečnaje žyćcio dla našych dziaciej i ŭnukaŭ na svajoj ziamli. Za śviaščennaje histaryčnaje prava našaha naroda razmaŭlać na rodnaj movie, šanavać svaich prodkaŭ, sapraŭdnych hierojaŭ, bierahčy zapaviety i vieru baćkoŭ, dziadoŭ i pradziedaŭ», — skazaŭ jon.