U Varšavie siońnia vialiki Marš da Dnia Voli, paniasuć 330‑mietrovy bieł-čyrvona-bieły ściah
Vystupiać Śviatłana Cichanoŭskaja i Pavieł Łatuška.
Siońnia ŭ Varšavie projdzie maštabny Marš, pryśviečany Dniu Voli, z udziełam lidaraŭ demakratyčnych sił.
Zbor udzielnikaŭ — na płoščy Troch Kryžoŭ a 16:00.
Pačatak šeścia zapłanavany na 16:20-16.30.
Udzielniki paniasuć 330‑mietrovy bieł-čyrvona-bieły ściah.
Na finalnaj kropcy adbuducca vystupy, u tym liku kiraŭnicy APK Śviatłany Cichanoŭskaj i jaje namieśnika Paŭła Łatuški.
Šeście buduć supravadžać biełaruskija dudary i kłub histaryčnaj rekanstrukcyi Invictus 1863. Taksama zapłanavanyja vystupy artystaŭ i praca art-kirmašu.