U Homieli ŭłady niezakonna pradali kvateru, što naležała šmatdzietnaj siamji
Dvuchpakajovuju kvateru šmatdzietnaj siamji vystavili na tarhi pa pamyłcy — ździełku mohuć anulavać, piša «Biełka».
Siamja kupiła žyllo ŭ ahraharadku pad Homielem z pryciahnieńniem siamiejnaha kapitału. Z časam u maci pieciarych dziaciej nakapilisia vialikija daŭhi. Kab ich pahasić, na tarhi vystavili kvateru, i jana znajšła svajho pakupnika.
Ale kali novy ŭładalnik chacieŭ zarehistravać prava ŭłasnaści na žyllo ŭ dziaržaŭnym ahienctvie, jamu admovili. Akazałasia, na kvateru dziejničajuć abmiežavańni pa adčužeńni da 2027 hoda.
«Pavodle zakona, nieruchomaść, kuplenaja za srodki siamiejnaha kapitału, naležyć u roŭnych dolach usim členam siamji. Heta značyć, daŭžnica vałodaje tam nie samaj vialikaj dolaj, a značyć, kvateru całkam vystaŭlać na tarhi było nielha», — patłumačyła staršy pamočnik prakurora horada Homiela Natalla Kapitanava.
Pakupnik źviarnuŭsia ŭ prakuraturu pa abaronu svaich pravoŭ. Taksama buduć pryniaty miery pa abaronie intaresaŭ niepaŭnaletnich dziaciej daŭžnicy. Jak vyrašycca situacyja, nie paviedamlajecca.