USU źniščyli try RSZA ŭ Krymie
Bajcy Sił bieśpiłotnych sistem (SBS) u noč na 29 sakavika nanieśli paśpiachovy ŭdar pa rasijskaj bazie «Tarnada» ŭ pasiołku Saŭhasnaje ŭ Krymie, paviedamiŭ kamandujučy SBS Robiert «Madziar» Broŭdzi ŭ fejsbuku.
Pavodle Broŭdzi, u vyniku ataki byli źniščany adrazu try reaktyŭnyja sistemy załpavaha ahniu kalibru 300 mm — BM-30 «Śmierč» abo «Tarnada-S». Akramia samich puskavych ustanovak, udaram była likvidavana samachodnaja transpartna-zaradžalnaja mašyna da ich.
Paralelna z apieracyjaj u Krymie ŭkrainskija vajskoŭcy pry ŭzajemadziejańni z raźviedkaj SBU źniščyli cysterny z palivam u Łuhanskaj vobłaści. Pavodle słoŭ Broŭdzi, supolnyja dziejańni bieśpiłotnych padraździaleńniaŭ i raźviedki dazvolili efiektyŭna parazić łahistyčnyja resursy praciŭnika, spaliŭšy zapasy paliva na akupavanaj terytoryi.