Tramp napisaŭ, što ź nieciarpieńniem čakaje Łukašenku ŭ ZŠA
Jon taksama padziakavaŭ za vyzvalenych źniavolenych.
Prezident ZŠA Donald Tramp u sietcy Truth Social napisaŭ, što ź nieciarpieńniem čakaje sustrečy z Alaksandram Łukašenkam.
«Na minułym tydni moj pasłańnik pa Biełarusi, Džon Koŭł, paśla pieramoŭ z pavažanym prezidentam Alaksandram Łukašenkam damohsia vyzvaleńnia jašče 250 palityčnych źniavolenych! Takim čynam, ahulnaja kolkaść źniavolenych, vyzvalenych prezidentam Łukašenkam z maja minułaha hoda, pieravysiła 500 čałaviek (nasamreč u vyniku vizitaŭ Koŭła było vyzvalena 438 čałaviek — NN). Ja chacieŭ by vykazać prezidentu svaju samuju ščyruju padziaku za heta i ź nieciarpieńniem čakaju sustrečy ź im na nastupnym pasiadžeńni Rady miru!» — havorycca ŭ paviedamleńni Trampa.
Łukašenka praihnaravaŭ pieršaje pasiadžeńnie Rady miru, što prajšło ŭ Vašynhtonie 19 lutaha, spasłaŭšysia na prablemy łahistyki i zaniataść spravami ŭ Biełarusi.
Druhoje pasiadžeńnie płanujecca, ale kali i dzie, pakul nie viadoma.