Minski hatel hatovy płacić supracoŭniku da 19 tysiač rubloŭ u miesiac
Na hetuju vakansiju šukajuć čałavieka ź siaredniaj śpiecyjalnaj adukacyjaj.
Fota: Onliner.by
Kampanija «KPI Dieviełopmient» šukaje zahadčyka vytvorčaści, jakomu hatovyja płacić ad 8 tys. da 19 tys. rubloŭ. Vakansija źjaviłasia ŭ bazie danych słužby zaniataści Biełarusi. TAA «KPI Dieviełopmient» kiruje ŭ Biełarusi niekalkimi hatelami mižnarodnaj sietki Hilton: piacizorkavym Waldorf Astoria Minsk i čatyrochzorkavym The Basilian Minsk Curio Collection by Hilton, piša Office Life.
U abjavie, u pryvatnaści, paznačany adras Janki Kupały, 27, dzie raźmieščany luksavy hatel Waldorf Astoria, jaki niadaŭna adkryŭsia.
Na hetuju vakansiju šukajuć čałavieka ź siaredniaj śpiecyjalnaj adukacyjaj. Pry hetym ad jaho patrabujecca dośvied u śfiery hramadskaha charčavańnia nie mienš za 10 hadoŭ, pryčym u hatelach uzroŭniu «piać zorak» — nie mienš za piać hadoŭ. Na hetuju pasadu hatovyja ŭziać čałavieka, jaki pracavaŭ u roznych jurysdykcyjach, uklučajučy krainy Jeŭrapiejskaha sajuza i Jeŭrazijskaha ekanamičnaha sajuza.
Siarod patrabavańniaŭ taksama — prasunutaje viedańnie anhlijskaj i niamieckaj moŭ.