Pa-biełarusku vychodzić raman Maryjam Pietrasian «Dom, u jakim…»
Vydaviectva Gutenberg Publisher anansavała vychad ramana Maryjam Pietrasian «Dom, u jakim…» u biełaruskim pierakładzie. Tvor pra zakryty internat dla dziaciej-invalidaŭ u styli mahičnaha realizmu adpraŭleny ŭ druk, piša bellit.info.
Raman armianskaj mastački i piśmieńnicy Maryjam Pietrasian, u aryhinale napisany pa-rasiejsku, byŭ apublikavany ŭ 2009 hodzie, choć pačała aŭtarka jaho pisać jašče ŭ pačatku 90‑ch hadoŭ. Tvor ujaŭlaje saboj jarkaje i svojeasablivaje apisańnie niezvyčajnaha zakrytaha mikrasocyumu, raskryvaje prablemy i niuansy adaptacyi navička ŭ kalektyvie. Miesca i čas dziejańnia naŭmysna abstraktnyja, značnuju rolu ŭ siužecie adyhryvajuć fantastyčnyja matyvy.
Heta historyja pra asobny śviet sa svaimi zakonami, mianuškami, ijerarchijaj i tajamnicami, jaki isnuje ŭnutry Šeraha Doma na ŭskrainie horada. Dom — nie prosta miesca, a suśviet, jaki abo prymaje, abo vyšturchoŭvaje svaich nasielnikaŭ.
Knihu sa źnižkaj možna ŭžo ciapier pieradzamović na sajcie vydaviectva: Gutenbergpublisher.eu.