U Śvisłačy aŭtobus upaŭ na kiroŭcu, kali toj jaho ramantavaŭ
Incydent adbyŭsia ŭ studzieni 2026 hoda na adnym z pradpryjemstvaŭ. Słužbovy aŭtobus vyjšaŭ sa stroju — zakliniła startar, i jaho vyrašyli adramantavać z parušeńniem pravił biaśpieki, paviedamlaje Śledčy kamitet.
Fota: Śledčy kamitet
50‑hadovy kiroŭca paviedamiŭ pra heta svajmu 62‑hadovamu kiraŭniku, jaki adkazvaŭ za techniku biaśpieki. Kiraŭnik ža, zamiest taho kab nakiravać transpart u aŭtapark dla ramontu, zahadaŭ vypravić niaspraŭnaść samastojna.
Kiroŭca nie staŭ piarečyć i zaniaŭsia ramontam u pracoŭny čas kala svajho doma. Jon padniaŭ aŭtobus damkratam, padkłaŭ draŭlanyja padporki i zalez pad mašynu. Adnak kanstrukcyja nie vytrymała, i ciažki aŭtobus sarvaŭsia, prycisnuŭšy mužčynu.
U vyniku paciarpieły atrymaŭ ciažkija traŭmy, ale ciapier jaho žyćciu ničoha nie pahražaje.
Padčas pravierki vyśvietliłasia, što kiroŭca nie mieŭ prava vykonvać takija raboty — jon nie prajšoŭ nieabchodnaje navučańnie i instruktaž. Sam jon paćvierdziŭ, što dziejničaŭ pa ŭkazańni kiraŭnika, jaki taksama dazvoliŭ trymać słužbovy aŭtobus u dvary doma.
U dačynieńni da 62‑hadovaha inžyniera-miechanika zaviali kryminalnuju spravu za parušeńnie pravił achovy pracy, što pryviało da ciažkich cialesnych paškodžańniaŭ.
Čytajcie taksama:
Servisy ŭ Biełarusi bolš nie absłuhoŭvajuć aŭtamabili Geely kitajskaj zborki