Tramp zajaviŭ pra hatoŭnaść zaviaršyć vajnu ź Iranam biez adkryćcia Armuzskaha praliva
Tramp vyrašyŭ, što ZŠA pavinny dasiahnuć svaich hałoŭnych metaŭ.
Fota: Chip Somodevilla / Getty Images
Prezident ZŠA Donald Tramp zajaviŭ svaim pamočnikam, što hatovy spynić vajennuju kampaniju suprać Irana, navat kali Armuzski praliŭ zastaniecca ŭ značnaj stupieni zakrytym dla sudnachodstva, paviedamiła hazieta Wall Street Journal sa spasyłkaj na pradstaŭnikoŭ administracyi.
U apošnija dni Tramp i jaho pamočniki pryjšli da vysnovy, što sproba prymusić Iran adkryć Armuzski praliŭ moža zaciahnuć kanflikt za miežy vyznačanaha Trampam płana, raźličanaha na 4— 6 tydniaŭ.
Vašynhton imkniecca dasiahnuć asnoŭnych metaŭ — asłabić iranski vajenna-marski fłot, źniščyć zapasy rakiet, paśla čaho zaviaršyć bajavyja dziejańni i damahacca ad Tehierana adkryćcia Armuzskaha praliva dypłamatyčnymi mietadami. U vypadku dypłamatyčnaj niaŭdačy ZŠA buduć akazvać cisk na Jeŭropu i krainy Piersidskaha zaliva, kab tyja ŭznačalili namahańni pa adkryćci praliva.
Taksama krynicy haziety śćviardžajuć, što Tramp moža razhledzieć i vajennyja varyjanty, ale jany nie źjaŭlajucca jaho niepasrednym pryjarytetam.