Žančyna addała telefonnym machlaram paŭmiljona rubloŭ i pradała aŭtamabil
Pačałosia ŭsio zvykła. 48‑hadovaj minčancy ŭ miesiendžary patelefanavali nieviadomyja i pad vyhladam zamieny damafona vymanili kod z SMS.
Zatym ź joj źviazalisia nibyta supracoŭniki Nacbanka i psieŭdapravaachoŭniki, zapałochali kryminalnaj adkaznaściu i vobšukam, patrabujučy zadekłaravać źbieražeńni. Žančyna pavieryła i za dva dni pieradała kurjeram 490 tysiač rubloŭ, paviedamlaje pres-słužba MUS.
Na treci dzień ašukancy pierakanali žančynu što jaje aŭto vystaŭlena złamyśnikami na aŭkcyjon i ŭ dalejšym budzie ličycca va ŭhone. Kab paźbiehnuć prablem, paraili terminova pradać mašynu. Vyručanyja 45 tysiač rubloŭ jana znoŭ addała kurjeru.
Apieratyŭniki ŭstanavili asoby i zatrymali pasylnych — 57‑hadovuju žančynu i 69‑hadovaha mužčynu. Raniej jany stali achviarami anałahičnaj schiemy, a paśla pačali sami zabirać hrošy ŭ padmanutych hramadzian i advozili u susiedniuju krainu dla pieradačy nieviadomym.