Praź Biełaruś pačali masava pralatać nie tolki rasijskija drony, ale i ŭkrainskija
Manitorynhavyja resursy paviedamlajuć, što na Pieciarburh ukrainskija bieśpiłotniki laciać naŭprost praz Mahiloŭščynu.
Rasijskija manitorynhavyja kanały pišuć pra toje, što bieśpiłotniki laciać z Mahiloŭskaj vobłaści ŭ kirunku Smalenskaj vobłaści. Z-kanał «Biełaruski siłavik» tłumačyć heta. Pavodle jaho, asnoŭnaja pryčyna źjaŭleńnia dronaŭ nad terytoryjaj Biełarusi — składanaja linija miažy. Kali pahladzieć na kartu, Mahiloŭskaja vobłaść stvaraje svojeasablivy klin pamiž Branskaj i Smalenskaj abłaściami Rasii.
Bieśpiłotniki zalatajuć z boku Ukrainy praz Branskuju vobłaść i ruchajucca pa pramoj linii na Smalensk.
Kab nie rabić kruk, drony «zrazajuć kuty», niekalki razoŭ pierasiakajučy to biełaruskuju, to rasijskuju miažu ŭzdoŭž hetaha vystupu.
Anałahičnaja situacyja nazirajecca i z vystupami ŭ Homielskaj vobłaści, jakaja miažuje z Čarnihaŭskaj, Kijeŭskaj i Žytomirskaj abłaściami, a taksama z Branskaj vobłaściu, davodzić kanał.
«Tolki miascovyja dobra razumiejuć, jak tam baki abmieńvajucca ŭdarami dronami. Z ulikam taho, što vizualna, asabliva ŭ ciomny čas sutak, niemahčyma adroźnić «svoj» dron ad «čužoha», a taksama ŭličvajučy pracu REB, situacyi byvajuć roznyja. Tam rehularna možna zaŭvažyć to «Hierani», to «Lutyja», — piša kanał.