Mižnarodny aeraport u Fłarydzie nazavuć u honar Trampa
Mižnarodny aeraport Pałm-Bič u Fłarydzie budzie pierajmienavany ŭ honar prezidenta ZŠA Donalda Trampa. Adpaviedny ŭkaz u paniadziełak padpisaŭ hubiernatar štata Ron Desancis, piša Bi-bi-si.
Fota: Mike Stocker/South Florida Sun Sentinel/Tribune News Service via Getty Images
Z aeraporta Pałm-Bič Tramp zvyčajna lotaje ŭ svaju rezidencyju Mar-a-Łaha, jakaja znachodzicca za vosiem kiłamietraŭ ad aeraporta.
Raniej prapanovu ab pierajmienavańni aeraporta padtrymali Pałata pradstaŭnikoŭ i Sienat štata. Apošniaj instancyjaj pavinna stać Fiederalnaje ŭpraŭleńnie hramadzianskaj avijacyi, jakoje musić unieści adpaviednyja źmieny ŭ bazy danych i navihacyjnyja karty.
Kali heta adbudziecca, novaje imia budzie prysvojena aeraportu z 1 lipienia.
Demakraty raskrytykavali rašeńnie ab źmienie nazvy aeraporta, abvinavaciŭšy respublikancaŭ u tym, što jany «adarvanyja ad realnaści» i nie ŭjaŭlajuć sabie realnych prablem štata.