5 samych tannych kvater Minska. Vy ździviciesia, što tak doraha
Kvadrat pa prapanovach u stalicy pieraadoleŭ adznaku $2200, tamu navat samyja tannyja kvatery ŭ Minsku kaštujuć niamała. Pahladzieli, što prapanuje rynak staličnaj nieruchomaści pa nizie rynku.
Dźvie samyja tannyja prapanovy ŭ Minsku kłasičnaj kvateraj nie nazavieš. Adna ź ich — niežyłaja studyja na 12 kvadrataŭ, jakuju možna vyvieści ŭ žyły fond, za $34900. Druhaja — kvatera ŭ cahlanym adnapaviarchovym domie z draŭlanaj prybudovaj na Aŭtazavodskim zavułku za $50100. Tamu ich u śpis nie ŭklučajem.
Kvatera ŭ Minsku, ale jość niuans
Samaja tannaja typovaja kvatera kaštuje $54900.
Stolki prosiać za adnapakajoŭku na 30 kvadrataŭ, jakaja znachodzicca na vulicy Akademika Krasina, 47, što za niekalki kiłamietraŭ ad MKAD, ale farmalna heta Minsk i staličnaja rehistracyja.
Heta kvatera na druhim paviersie piacipaviarchovaha doma.
Fota tut i dalej: realt.by
Jość asobnaja kuchnia, kalidor i vanny pakoj z tualetam i vannaj. Uvachodnyja dźviery mietaličnyja, ramont stary, na stoli — kasitony, jakija miescami advalvajucca.
Sam dom 1967 hoda pabudovy, cahlany, a ŭ 2022 hodzie pieražyŭ kapramont.
Znoŭ za MKADam
Za $55 tysiač pradajuć adnapakajoŭku ŭ mikrarajonie «Sokał».
Heta kvatera na čaćviortym paviersie piacipaviarchovika 1989 hoda pabudovy. Ahulnaja płošča — 34,4 mietra.
Ramont stary, vokny płastykavyja, jość bałkon, pa jakim vidać, što dom užo paśla renavacyi.
Adnapakajoŭka ŭ Šabanach
Za $58500 pradajuć adnapakajoŭku ŭ Šabanach. Mieścicca jana na piatym paviersie dzieviacipaviarchovaj panelki 1993 hoda pabudovy pa adrasie Bačyła, 7/3.
Ahulnaja płošča kvatery — 33,5 mietra. Vyhladaje, što ramont apošni raz u joj rabili 30 hadoŭ tamu.
Tamu da $58500 treba dadać jašče nie adzin dziasiatak na kapitalny ramont i meblu. Navat vokny ŭ hetaj kvatery draŭlanyja, tamu inviestavać daviadziecca šmat.
Ź plusaŭ — heta ŭsio ž taki nie chruščoŭka, a bolš sučasnaje žytło z adnosna vysokimi stolami.
Šabany 2.0
Jašče adna kvatera ŭ biudžecie da $60 tysiač znachodzicca pa susiedstvie ŭ tych ža Šabanach, pa adrasie Sialickaha, 105.
Za adnapakajoŭku na vośmym paviersie dzieviacipaviarchovika 1992 hoda pabudovy prosiać $59 tysiač.
Kab zajechać u jaje, taksama daviadziecca šmat ukłaści. Adzinaje, što ŭ adroźnieńnie ad papiaredniaha varyjanta ŭ hetaj kvatery stajać novyja płastykavyja vokny.
Piać chvilin da Śvisłačy
$59 tysiač prosiać za adnapakajoŭku na 25 mietraŭ. Jana znachodzicca pa adrasie Novavilenskaja, 24 (apošni pavierch trochpaviarchovaha doma).
Płošča kuchni — usiaho 4,4 mietra. Asnoŭny pakoj — amal na 18 kvadrataŭ. Siarod pieravah pradaviec adznačaje blizkaść da raki Śvisłač, parku i zialonaj zony. Aproč taho, chutka niepadaloku pabudujuć mietro.