Na biełaruska-polskaj miažy zatrymali niemca sa škurami babra
Na biełaruska-polskaj miažy polskija mytniki zatrymali hramadzianina Hiermanii, jaki sprabavaŭ uvieźci ŭ krainu škury babra bieź nieabchodnych dakumientaŭ.
Fota: lubelskie.kas.gov.pl
Incydent adbyŭsia ŭ punkcie propusku Terespal. Padčas ahladu aŭtamabila, što ŭjazdžaŭ u Polšču, supracoŭniki znajšli dźvie apracavanyja škury.
Mužčyna patłumačyŭ, što vałodaje imi ŭžo kala šaści hadoŭ i nie viedaŭ pra nieabchodnaść śpiecyjalnaha dazvołu dla pieravozki takich rečaŭ praź miažu.
Tym nie mienš, polski bok raspačaŭ kryminalnuju spravu. Pieravozka padobnych tavaraŭ biez adpaviednych dakumientaŭ ličycca parušeńniem, bo moža padpadać pad praviły abarony žyvioł i kantrolu za handlem pradukcyjaj žyviolnaha pachodžańnia.
Čytajcie taksama:
U Polščy nakryli padpolnuju tytuniovuju fabryku. Zatrymanyja dziesiać biełarusaŭ
Biełarusku spynili polskija mytniki pry sprobie pravieźci karał