Prezident Irana zajaviŭ pra hatoŭnaść zaviaršyć vajnu pry harantyi nienapadzieńnia na krainu
Taksama Piezieškijan zajaviŭ, što Iran pavažaje suvierenitet inšych krain i nie źbiraŭsia napadać na ich.
Fota: Iranian Presidency / Anadolu via Getty Images
Prezident Irana zajaviŭ ab hatoŭnaści zaviaršyć vajnu pry harantyi nienapadu na krainu. Ab hetym Masud Piezieškijan zajaviŭ u chodzie telefonnaj razmovy sa staršynioj Jeŭrasavieta Antoniu Koštaj. Jaho słovy pryvodzić iranskaje dziaržhienctva IRNA: «My nikoli nie imknulisia da eskałacyi i vajny, i ŭ nas jość nieabchodnaja vola dla zaviaršeńnia hetaj vajny pry ŭmovie vykanańnia adpaviednych patrabavańniaŭ, i ŭ pieršuju čarhu — pradastaŭleńnia nieabchodnych harantyj niepaŭtareńnia ahresii».
Taksama Piezieškijan zajaviŭ, što Iran pavažaje suvierenitet inšych krain i nie źbiraŭsia napadać na ich, «ale, na žal, u hetych krainach raźmieščany amierykanskija bazy, i ź ich terytoryi ažyćciaŭlajucca ataki na nas».
Pa słovach Piezieškijana, Iran «ščyra i z kanstruktyŭnym padychodam» ustupiŭ u pieramovy z ZŠA, ale «druhi raz prama ŭ chodzie pieramoŭnaha pracesu padvierhnuŭsia niezakonnym atakam».