Kniha pra pierliny biełaruskaj architektury vyjšła na čatyroch movach
U vydaviectvie «Biełaruś» zusim niadaŭna pabačyła śviet vydańnie pra skarby biełaruskaj staražytnaj architektury «Zamki Biełarusi. Tajamnicy minułych stahodździaŭ».
Bahata ilustravanaje padarunkavaje vydańnie vyjšła na čatyroch movach: biełaruskaj, anhielskaj, rasiejskaj i kitajskaj, piša bellit.info.
U knizie «Zamki Biełarusi» havorka idzie pra 12 pierlinaŭ biełaruskaj abarončaj architektury: ad šyroka viadomych restaŭravanych Niaśvižskaha i Mirskaha zamkaŭ da ruinaŭ Bychaŭskaha i Smaljanskaha. Akramia cikavych źviestak pra historyju ich uźniknieńnia, asablivaści źniešniaha vyhladu i najbolš papularnyja lehiendy, u knizie dajecca infarmacyja, jak zručniej dabiracca da zamkaŭ i jakija jašče słavutaści znachodziacca pobač.
Knihu «Zamki Biełarusi. Tajamnicy minułych stahodździaŭ» možna nabyć praz sajt vydaviectva, a taksama ŭ kniharniach krainy i praz markietpłejsy.