Homielski recydyvist napadaŭ na ludziej u padjezdach, a potym napaŭ na Ukrainu. Vynik?
43‑hadovy Siarhiej Sakałoŭski byŭ šmat razoŭ sudzimy za toje, što z saŭdzielnikami napadaŭ na ludziej u padjezdach, źbivaŭ i adbiraŭ kaštoŭnyja rečy — biez roźnicy mužčyna ci žančyna trapilisia pad ruku.
Adnoje z pryžyćciovych fota, jakoje Sakałoŭski dasłaŭ małodšamu bratu Alaksandru
Apošni raz Sakałoŭski vychodziŭ na suviaź z rodnymi jašče ŭ śniežni 2025-ha, paśla čaho źnik i byŭ paznačany kamandavańniem čaści 11741 jak źnikły bieź źviestak.
Sakałoŭski vajavaŭ u šturmavoj rocie rasijskaj armii kala horada Liman — i, vierahodna, zahinuŭ. Śpiski pałonnych publikujucca ŭkrainskim bokam, tam proźvišča Sakałoŭskaha nie było.
Siarhiej Sakałoŭski byŭ nieadnarazova sudzimy za hrabiažy ŭ Homieli, chraničny ałkaholik.
Złačynnuju dziejnaść, pavodle Belpol, pačaŭ u 2006 hodzie — raźbiŭ škło ŭ kramie i skraŭ majomaść. Potym razam z chaŭruśnikami napadaŭ na ludziej u padjezdach i adbiraŭ hrošy, kaštoŭnyja rečy. Byŭ va ŭciokach. Potym iznoŭ napadaŭ u padjezdach. Paźniej byŭ zatrymany, atrymaŭ termin u kałonii.