Parłamient Małdovy prahałasavaŭ za vychad z SND
Parłamient Małdovy pryniaŭ rašeńnie vyjści z Sadružnaści Niezaležnych Dziaržaŭ (SND). Dla hetaha deputaty prahałasavali za skasavańnie asnoŭnych pahadnieńniaŭ z hetaj arhanizacyjaj.
Zdymak ilustracyjny. Fota: Artur Widak/NurPhoto via Getty Images
Za adpaviednyja zakony addali hałasy 60 z 101 deputata. Pradstaŭniki Kamunistyčnaj i Sacyjalistyčnaj partyj vystupili suprać, zajaviŭšy, što taki krok moža niehatyŭna paŭpłyvać na ekanomiku krainy.
Ciapier pryniatyja dakumienty pavinna padpisać prezidentka Małdovy Maja Sandu. Paśla hetaha Ministerstva zamiežnych spraŭ nakiruje nieabchodnyja papiery ŭ Vykanaŭčy kamitet SND. Kančatkova vychad krainy z arhanizacyi adbudziecca praz hod paśla hetaha.
Ułady Małdovy ŭpieršyniu zajavili pra namier pakinuć SND u kancy 2023 hoda. Raniej z hetaj arhanizacyi ŭžo vyjšli Hruzija i Ukraina.