U Iranie zahinuŭ kamandzir padraździaleńnia KVIR, jakoje zajmałasia zadušeńniem pratestaŭ
U Iranie zahinuŭ bryhadny hienierał Korpusa vartavych Isłamskaj revalucyi (KVIR) Machamad Ali Fatalizade, jaki kamandavaŭ śpiecyjalnym padraździaleńniem «Fatechin». Pra jaho hibiel paviedamiła iranskaje infarmacyjnaje ahienctva, źviazanaje ź Ministerstvam abarony, ale abstaviny śmierci nie ŭdakładniajucca, piša «Radyjo Svaboda».
Machamad Ali Fatalizade
Fatalizade staŭ adnym z šerahu vysokapastaŭlenych asob Irana, jakija zahinuli za apošnija tydni ŭ vyniku vajennych dziejańniaŭ i ŭdaraŭ Izraila i ZŠA. Pavodle paviedamleńniaŭ mižnarodnych ŚMI, jašče ŭ kancy lutaha padčas atak zahinuli dziasiatki čynoŭnikaŭ i kamandziraŭ.
Padraździaleńnie «Fatechin», jakim kiravaŭ Fatalizade, viadomaje svajoj śpiecyjalnaj padrychtoŭkaj. Jaho ŭdzielniki raniej brali ŭdzieł u vajnie ŭ Siryi i zajmalisia zadušeńniem pratestaŭ u Iranie. Ułady nieadnarazova adznačali ich rolu ŭ baraćbie z demanstrantami.
Čytajcie taksama:
Padčas ataki na Tehieran raźbili samy vysoki most na Blizkim Uschodzie
Tramp u zvarocie da nacyi paabiacaŭ vielmi chutka skončyć vajnu ź Iranam
U Iranie abvierhli zajavu Trampa, što jany źviartalisia da jaho z prośbaj spynić ahoń