Sioletni sakavik staŭ samym ciopłym za ŭsiu historyju mieteanazirańniaŭ u Biełarusi
Sakavik 2026 hoda byŭ samym ciopłym i samym suchim za ŭsiu historyju mieteanazirańniaŭ u Biełarusi. Pra heta paviedamili ŭ Respublikanskim centry hidramietearałohii, kantrolu radyjeaktyŭnaha zabrudžvańnia i manitorynhu navakolnaha asiarodździa Minpryrody.
Zdymak ilustracyjny. Fota: Lookby.media
Siaredniamiesiačnaja tempieratura pavietra skłała plus 5,8 hradusa, što na 5 hradusaŭ vyšej za klimatyčnuju normu. Na bolšaj častcy terytoryi byli pabityja nie tolki miesiačnyja, ale i sutačnyja rekordy ciapła.
Kolkaść apadkaŭ za miesiac skłała 3,8 mm, abo 10% miesiačnaj normy. U niekatorych haradach, u pryvatnaści ŭ Žłobinie i Słaŭharadzie, apadkaŭ nie adznačałasia zusim.
Čytajcie taksama:
U Minsku aciapleńnie pieraviali ŭ «samy ekanomny režym»
Mahčymy mokry śnieh: nadvorje na nastupnyja dni
U biełaruskich lasach užo pajšli pieršyja smaržki
Na Homielščynie ŭžo pačali adklučać aciapleńnie — pieršymi ŭ krainie