Redki čarnavik pieśni Boba Dyłana znajšli ŭ knizie, što pradavałasia ŭ kniharni

U knizie amierykanskaha paeta Alena Hinźbierha vypadkova znajšli redkuju čarnavuju viersiju pieśni I'm Not There viadomaha muzyki Boba Dyłana, piša The Guardian.

Fota: Omega Auctions

Znachodku zrabiŭ pradaviec kniharni — čarnavik lažaŭ u kišeni vokładki pieršaha vydańnia knihi «Anhor-Vat». Raniej hetaja kniha naležała Sali Hrosman, žoncy pieršaha mieniedžara Dyłana i jaho blizkaj znajomaj. Sam Hinźbierh padaryŭ joj knihu jašče ŭ 1969 hodzie.

Pieśnia była napisanaja ŭ 1967 hodzie ŭ Ńju-Jorku razam z hurtom The Band, ale doŭhi čas nie vydavałasia aficyjna. Jana źjaviłasia tolki praz šmat hadoŭ — u tym liku ŭ saŭndtreku da filma I'm Not There 2007 hoda.

Miarkujecca, što čarnavik doŭhi čas zastavaŭsia niezaŭvažanym u knizie i vypadkova vypaŭ, kali jaje hartaŭ pradaviec.

Ciapier hety rukapis płanujuć vystavić na aŭkcyjon. Jahony košt aceńvajuć prykładna ŭ 20—40 tysiač funtaŭ sterlinhaŭ (bolš za 50 tysiač dalaraŭ). Ekśpierty ličać znachodku vielmi redkaj pracoŭnaj viersijaj tekstu pieśni.

U 2025 hodzie čarnaviki inšaj viadomaj pieśni Dyłana — Mr. Tambourine Man — byli pradadzienyja za bolš čym paŭmiljona dalaraŭ.

Kamientary da artykuła