Ułady Biełarusi anulavali pašpart nobieleŭskaha łaŭreata Alesia Bialackaha
Dakumient dziejničaŭ da 2028 hoda.
Pašpart zasnavalnika Pravaabarončaha centra «Viasna» i łaŭreata Nobieleŭskaj premii miru Alesia Bialackaha pryznany niadziejsnym. Dakumient dziejničaŭ da 2028 hoda, piša «Viasna».
Pravaabaroncu vyzvalili i prymusova vypravadzili ŭ Litvu 13 śniežnia 2025 hoda. U Vilni jamu addali pašpart, ale ciapier zhodna ź sistemaj MUS Biełarusi jon ličycca niesapraŭdnym.
Sam Aleś Bialacki rasceńvaje hetaje rašeńnie jak advolnaje i niezakonnaje «Heta čarhovaja forma transnacyjanalnych represij, skiravanaja na toje, kab uskładnić žyćcio departavanym palitviaźniam pa-za miežami krainy. Ułady rytualna adrazajuć našyja suviazi ź Biełaruśsiu. Marnaja sprava, bo Biełaruś zaŭsiody budzie ŭ našych dziejach i sercach».
Niadaŭna stała viadoma, što anulavanyja pašparty niekalkich palitviaźniaŭ, jakich vyzvalili i vyvieźli ź Biełarusi.