Łukašenka znoŭ zhadaŭ 2020 hod
«Pryznačeńnie kiraŭnika dziaržavy — być pieršym u spravie abarony mirnaha i spakojnaha žyćcia ŭ krainie, kali heta spatrebicca», — zajaviŭ palityk na adkryćci novaj palikliniki ŭ Minsku.
Łukašenka padčas vystupu na praŭładnym mitynhu 16 žniŭnia 2020 hoda ŭ Minsku. Fota: Radyjo Svaboda
«Usie my, biełarusy, žyviom biez vajny, bo my adzinyja. My atrymali apošniuju pryščepku ŭ 2020 hodzie. Miedyki viedajuć, jakuju. Ubačyli, adčuli, źviedali, paraŭnali, zrabili vysnovy. My bačym, chto zrabiŭ vysnovy, — idzicie, žyvicie, heta vaša ziamla. Ja nie maju prava pazbavić vas hetaha kavałka ziamli, — skazaŭ Łukašenka. — Ale kali vy znoŭ pryjdziecie da nas sa zbrojaj i pasprabujecie ŭsio heta pieraviarnuć, vinavacicie sami siabie. My hetaha nie dapuścim. I čaho b mnie heta ni kaštavała, ja pierš za ŭsio vyjdu na abaronu spakojnaha i mirnaha vašaha žyćcia».
«Sprava nie ŭva mnie. Pražyvu ja. Ale maja adkaznaść jak prezidenta, jakoha vy abirali, — abaranić vas i vašu siamju, vašych dziaciej. U hetym pryznačeńnie luboha prezidenta», — dadaŭ jon.