Zialenski zajaviŭ, što situacyja na froncie najlepšaja za 10 miesiacaŭ
«U cełym front trymajecca», — kaža prezident Ukrainy.
Diego Herrera Carcedo/Anadolu via Getty Images
Situacyja na froncie zastajecca składanaj, adnak, pavodle vysnoŭ brytanskaj raźviedki, dla Ukrainy jana źjaŭlajecca najlepšaj za apošnija 10 miesiacaŭ. Pra heta zajaviŭ Uładzimir Zialenski padčas razmovy z žurnalistami, piša «Ukrinfarm».
«U sieradu byŭ dakład majoj raźviedki i analiz brytanskaj raźviedki. Ja atrymaŭ bačańnie MI-6 adnosna situacyi na froncie, a mienavita — zaraz najlepšaja dla Ukrainy situacyja za apošnija 10 miesiacaŭ. Heta ich vysnova, i ŭsie partniory heta bačać. Z ulikam akupacyi našych terytoryj i deakupacyi našych terytoryj, ciapier my ŭ nievialikim plusie — vyzvalili kala 20 kvadratnych kiłamietraŭ. U cełym front trymajecca. Tamu vysnova brytanskaj raźviedki takaja — situacyja składanaja, ale najlepšaja za apošnija 10 miesiacaŭ. Heta spraviadlivaja vysnova. Ja ŭdziačny ŭsim našym padraździaleńniam, jakija heta zabiaśpiečvajuć», — skazaŭ Zialenski.
Zialenski taksama adznačyŭ, što rehularna atrymlivaje dakłady ad hałoŭnakamandujučaha USU. U pryvatnaści, apošnim časam rasijskija vojski aktyvizavali šturmy, karystajučysia tumanam. Jon zaŭvažyŭ, što rasijcy razumiejuć, što budzie bolš śvietłych dzion, bolš sonca, i heta źmienšyć ich mahčymaści być nieprykmietnymi, tamu kali jość tuman, jany hrupami sprabujuć infiltravacca.
USU fiksujuć nazapašvańnie sił voraha na Pakroŭskim i Hulajpolskim napramkach