U Iranie ŭpaŭ amierykanski samalot. Piłota šukajuć jak irancy, tak i amierykancy

U Iranie raźbiŭsia amierykanski samalot, i ŭ hety momant prachodzić apieracyja vyratavańnia piłota. Iranskija ŭłady taksama imknucca jaho zachapić u pałon.

Fota ilustracyjnaje

Hienštab Uzbrojenych sił Irana zajaviŭ, što źniščalnik ZŠA F-35 byŭ źbity ranicaj u piatnicu nad centralnymi rajonami krainy.

U Iranie zrabili ekstranaje ŭklučeńnie pa ŭsich dziaržaŭnych televizijnych kanałach, padčas jakoha prapanavali hrošy za hałavu amierykanskaha piłota, jaki paśpieŭ katapultavacca.

Była taksama infarmacyja ad iranskaha ahienctva Tasnim, što piłot užo nibyta zachopleny, ale na hety momant jana nie paćvierdžanaja. 

Amierykancy, sa svajho boku, taksama pravodziać apieracyju pa vyratavańni piłota. Jak paviedamlała ahienctva IRNA, jany dziejničajuć pry dapamozie viertalotaŭ Black Hawk i samalota C-130 Hercules. U pavietranaj prastory nibyta zaviazalisia bai ź iranskimi vojskami.

ŚMI Irana pišuć, što taksama byŭ źbity amierykanski viertalot. ZŠA hetaha pakul nie kamientavali, i inšych paćviardžeńniaŭ niama.

Kamientary da artykuła