Mianiajucca praviły ŭjezdu ŭ Indyju
Indyja, jakaja apošnim časam stała dastatkova papularnym turystyčnym kirunkam dla biełarusaŭ, pamianiała praviły ŭjezdu dla inšaziemcaŭ. Novyja patrabavańni pačali dziejničać z 1 krasavika, paviedamiła pres-słužba «Biełavija».
Zdymak ilustracyjny. Fota: freepik.com
Ciapier usim, chto prylataje ŭ krainu, treba zahadzia zapaŭniać elektronnuju kartu prybyćcia (e-Arrival Card). Papiarovy varyjant bolš nie vykarystoŭvajecca. Zapoŭnić takuju formu nieabchodna nie paźniej čym za 72 hadziny da prybyćcia, i jana abaviazkova pavinna być u kožnaha pasažyra — jaje praviarajuć jašče padčas rehistracyi na rejs.
Pry hetym važna pamiatać, što hetaja karta nie zamianiaje vizu. Dla pajezdki ŭ Indyju jana pa-raniejšamu patrebnaja. Aformić vizu, adnak, možna anłajn: treba zapoŭnić ankietu, apłacić zbor, a paśla taho zvyčajna na praciahu troch dzion prychodzić adkaz.
Ź Minska jość pramyja rejsy ŭ stalicu Indyi Ńju-Deli. Pieralot tudy zajmaje kala siami hadzin.
Čytajcie taksama:
Biełarusy raźmiatajuć kvitki ŭ Stambuł na červień — usio praz kancert Karža
«Biełavija» pierachodzić na letni raskład
Avijarejsy ź Minska na Maldyvy mohuć zapuścić u žniŭni
Čamu ŭ «Biełavija» mała rasprodažaŭ i ci apraŭdaŭ siabie rejs u Indyju