Udzieł Irana ŭ čempijanacie śvietu pa futbole zastajecca pad pytańniem
Kančatkovaje rašeńnie prymuć iranskija ŭłady.
Fota: Gao Meng/VCG via Getty Images
Ministr sportu Achmied Dońjamali zajaviŭ na dziaržaŭnym telekanale Irib, što kančatkovaje rašeńnie budzie pryniata Vyšejšaj radaj nacyjanalnaj biaśpieki Irana sumiesna z uradam, piša Bild.
Vyšejšaja rada nacyjanalnaj biaśpieki źjaŭlajecca hałoŭnym vykanaŭčym orhanam krainy i dziejničaje pad nahladam Vyšejšaha kiraŭnika Madžtaby Chamieniei, a taksama pad kiraŭnictvam prezidenta Masuda Piezieškijana. Futbolnaja fiederacyja i Ministerstva sportu Irana adkazvajuć tolki za padrychtoŭku nacyjanalnaj zbornaj.
Raniej prezident FIFA Džani Infantyna nastojvaŭ na ŭdziele Irana ŭ turniry. U adnym ź intervju jon zajaviŭ: «My chočam, kab Iran hulaŭ, i Iran budzie hulać na Čempijanacie śvietu. Płanaŭ B, V abo H niama — jość tolki płan A».
Čempijanat śvietu pa futbole ŭ ZŠA, Kanadzie i Mieksicy startuje 11 červienia. Iran pavinien zhulać svaje matčy ŭ ZŠA ŭ adnoj hrupie ź Bielhijaj, Jehiptam i Novaj Ziełandyjaj.
Raniej paviedamlałasia. što mahčyma, matčy Irana pieraniasuć u Mieksiku. Abo ŭ vypadku źniaćcia zbornaj z čempijanatu, jaje zamieniać lepšaj kamandaj z Azii pa rejtynhu. Pakolki zbornaja Iraka prabiłasia na mundyjal praz styki, to takoj zbornaj mahła b stać kamanda AAE.