Praz dva tydni ŭ biełarusaŭ buduć čatyry zapar vychodnyja, abo ŭsio ž try? U čym zakavyka?
21 krasavika (aŭtorak) budzie Radaŭnica, i pracoŭny dzień z 20 krasavika pieraniesieny na subotu 25 krasavika.
Zdavałasia, biełarusaŭ čakajuć čatyry zapar vychodnyja: z 18 pa 21 krasavika. Ale jość niuans.
Reč u tym, što na 18 krasavika abvieščany ahulnarespublikanski subotnik, udzieł u jakim dobraachvotna-prymusovy dla pracoŭnaha i asabliva biudžetnaha ludu.
«Hrošy, zaroblenyja ad praviadzieńnia viasnovaha subotnika, buduć nakiravanyja na stvareńnie pastajannaj ekspazicyi Nacyjanalnaha histaryčnaha muzieja Biełarusi, jaki ciapier budujecca, i inšyja źviazanyja z hetym raboty», — paviedamiła pres-słužba ŭrada.
Tamu atrymlivajecca ŭ tych, chto pracuje na dziaržaŭnych pradryjemstvach, pa fakcie buduć tolki try vychodnyja: ź niadzieli pa aŭtorak.
Nastupnyja vialikija vychodnyja buduć z 1 pa 3 maja (piatnica — niadziela). 9 Maja ŭ hetym hodzie prypadaje na subotu.