U Aŭstryi chłopca sudzili za toje, što adpraviŭ u Hiermaniju paštovaj pasyłkaj žyvuju kotku
Incydent adbyŭsia ŭ horadzie Chahienbrun. Supracoŭnik łahistyčnaha centra paštovaj słužby znajšoŭ u paškodžanaj paštovaj skryncy žyvuju kotku. Vyśvietliłasia, što 20‑hadovy žychar Vieny sprabavaŭ adpravić jaje ŭ Hiermaniju razam ź inšymi pasyłkami, piša vydańnie Kronen Zeitung.
Fota: Krone KREATIV/Sophie Pratschner
Kotka pa mianušcy Šana praviała ŭ kardonnaj skryncy bolš za sutki bieź ježy i vady. Unutry byŭ tolki nievialiki słoj napaŭnialnika. Na ščaście, žyviolinu svoječasova znajšli i vyratavali.
Sud pryznaŭ maładoha čałavieka vinavatym i pryznačyŭ jamu šeść miesiacaŭ umoŭnaha pakarańnia. Prakuror adznačyŭ, što takija dziejańni źjaŭlajucca asabliva žorstkim abychodžańniem z žyviołami.
Padčas suda abvinavačany admaŭlaŭ svaju vinu i śćviardžaŭ, što jaho nibyta padstavili, a košku nibyta chtości skraŭ. Jon navat vykazaŭ viersiju, što paštaljon moh zabrać žyviolinu samastojna. Adnak nijakich dokazaŭ na karyść takoj viersii jon nie padaŭ.
Taksama śledstva ŭstanaviła, što paśla «źniknieńnia» kotki jon nie rabiŭ sprob jaje znajści. U vyniku sud nie pavieryŭ jaho tłumačeńniam. Sam mužčyna zajaviŭ, što budzie abskardžvać prysud.
Kotka ž u vyniku znajšła novy dom i ciapier u biaśpiecy.
Čytajcie taksama:
Navukoŭcy: sabaka staŭ najlepšym siabram čałavieka značna raniej, čym ličyłasia
U katoŭ nie ŭźnikaje emacyjnaj zaležnaści ad haspadara — jany za raŭnapraŭnaje suisnavańnie