Sierbskija ŭłady zajavili, što kala hazapravoda z rasijskim hazam znajšli mahutnuju vybuchoŭku
Prezident Sierbii Alaksandr Vučyč paviedamiŭ pra vyjaŭleńnie vybuchoŭki kala hazapravoda, pa jakim rasijski haz pastupaje ŭ Vienhryju.
Prezident Sierbii Alaksandr Vučyč paviedamiŭ pra praduchileńnie dyviersii na mahistralnym hazapravodzie, praź jaki ŭ Jeŭropu pastaŭlajucca rasijskija vuhlevadarody. Niebiaśpiečnuju znachodku vyjavili ranicaj 5 krasavika. Pavodle słoŭ Alaksandra Vučyča, sierbskaja armija i palicyja znajšli ŭsiaho za niekalki sotniaŭ mietraŭ ad truby dva zaplečniki i dva vialikija pakiety z mahutnaj vybuchoŭkaj, a taksama srodki dla jaje dystancyjnaha padryvu.
Vybuchoŭka, pavodle słoŭ Vučyča, była zakładziena na ŭčastku hazapravoda, jaki złučaje Sierbiju i Vienhryju. Hety hazapravod źjaŭlajecca praciaham «Bałkanskaha patoku» (druhaja nitka «Tureckaha patoku»).
Alaksandr Vučyč patelefanavaŭ Viktaru Orbanu. Toj terminova sklikaŭ ekstrannaje pasiadžeńnie Rady abarony.
U svaju čarhu sierbski lidar paabiacaŭ bieźlitasna raspravicca z kožnym, chto aśmielicca pahražać cełasnaści hazapravoda, jaki źjaŭlajecca klučavoj arteryjaj dla ŭsiaho rehijona.
Hazapravod, viadomy taksama jak «Bałkanski patok», źjaŭlajecca praciaham «Tureckaha patoku» i zastajecca adnym ź niešmatlikich maršrutaŭ pastavak rasijskaha paliva ŭ Centralnuju Jeŭropu. Luboje paškodžańnie hetaj mahistrali moža vyklikać paralič enierhietyčnaj sistemy Vienhryi.
Na hety momant sierbskija siłaviki praciahvajuć rasśledavańnie i pošuk datyčnych da arhanizacyi vybuchu.