Ukraina abviarhaje svaju datyčnaść da vybuchoŭki, znojdzienaj kala hazapravoda z rasijskim hazam u Sierbii
Pradstaŭnik MZS Ukrainy Hieorhij Cichij zajaviŭ, što Ukraina nie maje dačynieńnia da vybuchoŭki, znojdzienaj kala trubapravoda «Turecki patok» u Sierbii.
«Chutčej za ŭsio, heta rasijskaja apieracyja pad iłžyvym ściaham u miežach maštabnaha ŭmiašańnia Maskvy ŭ vienhierskija vybary», — vykazaŭsia jon.
Nahadajem, ranicaj 5 krasavika sierbskaja armija i palicyja znajšli za niekalki sotniaŭ mietraŭ ad hazapravoda dva zaplečniki i dva vialikija pakiety z mahutnaj vybuchoŭkaj, a taksama srodki dla jaje dystancyjnaha padryvu.
Vybuchoŭka, pavodle słoŭ prezidenta Sierbii Alaksandra Vučyča, była zakładziena na ŭčastku hazapravoda, jaki złučaje Sierbiju i Vienhryju. Hety hazapravod źjaŭlajecca praciaham «Bałkanskaha patoku» (druhaja nitka «Tureckaha patoku»).