Machlary prapanujuć zamianić časovyja ličylniki na pastajannyja
73‑hadovaj minčancy patelefanavali nibyta supracoŭniki «Vodakanała» i prapanavali zamianić ličylniki. Piensijanierka ździviłasia i admoviłasia, bo niadaŭna joj užo mianiali hetaje abstalavańnie.
Surazmoŭcy nie razhubilisia i paviedamili, što raniej žančynie stavili časovyja ličylniki, jakija nieabchodna zamianić na pastajannyja, paviedamlaje pres-słužba milicyi.
Minčanka pavieryła i pradyktavała kod z SMS dla paćvierdžańnia zajaŭki. Dalej z žančynaj źviazalisia iłžepravaachoŭniki i pierakanali jaje, što raniej ź joj razmaŭlali ašukancy, jakija ad jaje imia ažyćciaŭlajuć niezakonnyja finansavyja apieracyi. Spałochaŭšysia kryminalnaj adkaznaści, piensijanierka pieradała nibyta supracoŭnicy Nacyjanalnaha banka dla dekłaravańnia kala 16 tysiač rubloŭ.
Syščyki ŭstanavili asobu kurjera — joju akazałasia 71‑hadovaja minčanka, jakaja raniej sama stała achviaraj ašukancaŭ pa anałahičnaj schiemie. Pad pahrozaj kryminalnaha pieraśledu žančynu pierakanali pajechać pa adrasie i zabrać hrošy ŭ inšaj piensijanierki. Hrošy pieradała pasiaredniku.