Zabity kiraŭnik vyviedki KVIR — adna z samych upłyvovych postaciaŭ siłavoha błoka Irana
Jon pratrymaŭsia na pasadzie mienš za hod. Jahony papiarednik taksama byŭ zabity izrailcianami.
Iran zajaviŭ pra likvidacyju kiraŭnika vyviedki KVIR — hienierał-majora Madžyda Chademi. Jon byŭ zabity na dośvitku ŭ vyniku ŭdaru ZŠA i Izraila.
Pavodle zajavy pres-słužby KVIR, vysokapastaŭleny aficer zahinuŭ u vyniku «terarystyčnaj ataki amierykana-sijanisckaha voraha». Udary byli naniesieny na dośvitku pa rezidencyi hienierała.
Hienierał pryśviaciŭ słužbie ŭ orhanach biaśpieki i raźviedki Irana amal paŭstahodździa. Chademi ŭznačaliŭ raźviedku KVIR mienš za hod tamu — paśla hibieli papiaredniaha kiraŭnika, Machamada Kazemi, jaki taksama byŭ zabity ŭ vyniku izrailskaha ŭdaru.