Pierapłaniroŭku ŭ kvaterach sprościać
Hidraizalacyju, paraizalacyju i hukaizalacyju ciapier možna vykonvać biez raspracoŭki prajekta. Akramia taho, nie abaviazkova zaklučać damovu budaŭničaha padradu.
Urad pryniaŭ pastanovu, jakaja spraščaje praviły pieraŭładkavańnia i pierapłaniroŭki žyłych pamiaškańniaŭ. Dakumient padpisaŭ premjer-ministr Alaksandr Turčyn, źviarnuŭ uvahu Myfin.
Pastanova nakiravana na maksimalnaje spraščeńnie pracedur dla žycharoŭ šmatkvaternych damoŭ i datyčycca rabot, jakija nie zakranajuć kanstruktyŭnyja elemienty budynkaŭ.
Hałoŭnaje novaŭviadzieńnie: hidraizalacyju, paraizalacyju i hukaizalacyju ciapier možna vykonvać biez raspracoŭki prajekta. Akramia taho, nie abaviazkova zaklučać damovu budaŭničaha padradu.
Raboty mohuć vykonvać jak sam inicyjatar, tak i pryciahnutyja ludzi — pry hetym biez patrabavańnia da asnoŭnaha vidu dziejnaści, choć raniej patrabavałasia licenzija abo profil kampanii. Pieralik dakumientaŭ dla administracyjnych pracedur skaracili.
Pry hetym sa składu rabot, jakija adnosiacca da pierapłaniroŭki, vyklučyli tyja, što źmianiajuć niasučyja kanstrukcyi, sistemy śmiećcie– i hazavydaleńnia, a taksama ciepłaizalacyju. Takija ŭmiašańni pa-raniejšamu ličacca rekanstrukcyjaj i rehulujucca budaŭničym zakanadaŭstvam.
Spraścili i atrymańnie ŭzhadnieńniaŭ na ŭstanoŭku indyvidualnych anten i inšych kanstrukcyj na dachach i fasadach. Z patrabavańniaŭ vyklučyli płan-schiemu raźmiaščeńnia. Taksama spraścili praceduru ŭzhadnieńnia ŭžo samavolna ŭstalavanych anten.