U Mazyrskim rajonie mužčyna zahinuŭ, katajučysia pa poli na kvadracykle
Incydent zdaryŭsia viečaram 5 krasavika kala viosak Łubnia i Naviki. 38‑hadovy mužčyna, žychar ahraharadka Kryničny, jechaŭ pa poli na kvadracykle, ale ŭ niejki momant straciŭ kiravańnie, paviedamlaje telekanał «Mazyr».
Skrynšot ź videa
Kvadracykł źjechaŭ u mielijaracyjny kanał i pierakuliŭsia. Mužčyna ŭ vyniku atrymaŭ ciažkija traŭmy i zahinuŭ na miescy.
Pavodle papiaredniaj infarmacyi, kiroŭca byŭ ćviarozy i znachodziŭsia ŭ achoŭnym šlemie.
Pa fakcie zdareńnia pravodzicca pravierka, jakoj zajmajecca Śledčy kamitet.