U Minsku pašyrać vulicu Karastajanavaj i Daŭhinaŭski trakt

U Minsku płanujecca pašyreńnie i ramont niekalkich daroh i transpartnych abjektaŭ, paviedamiŭ ahienctvu «Minsk-Naviny» dyrektar dziaržaŭnaha pradpryjemstva «Hardarbud» Siarhiej Panioŭ.

Vulica Lili Karastajanavaj. Zdymak ilustracyjny. Fota: «Minsk-Naviny»

U pryvatnaści, havorka idzie pra pašyreńnie Daŭhinaŭskaha traktu i vulicy Karastajanavaj — ad vulicy Niakrasava da vulicy Kulman. Na apošniaj taksama płanujecca budaŭnictva novaha dyśpietčarskaha punkta.

Akramia hetaha, u horadzie praciahvajucca inšyja budaŭničyja i ramontnyja raboty:

• ramantujuć puciepravod na 4‑m kiłamietry MKAD u rajonie źjezdu da aeraporta Lipki;
• pačałosia budaŭnictva novaha puciepravoda, jaki złučyć vulicy Cimirazieva i Kaleśnikava;
• idzie ramont mosta praz raku Śvisłač u rajonie vulicy Pulichava.

Taksama ŭ płanach — raźvićcio novych transpartnych suviaziaŭ pamiž roznymi rajonami horada, kab źmienšyć nahruzku na Minskuju kalcavuju aŭtadarohu i lepš raźmierkavać patok transpartu

Kamientary da artykuła