Pamior zasnavalnik brenda Diesel Adryjana Hołdšmid
Pamior italjanski dyzajnier Adryjana Holdšmid — adzin z zasnavalnikaŭ viadomaha brenda Diesel. Jamu było 82 hady, pryčynaj śmierci stała ankałahičnaje zachvorvańnie.
Adryjana Hołdšmid. Fota: Wikimedia Commons
Hołdšmid naradziŭsia ŭ Italii ŭ 1943 hodzie i staŭ adnoj z klučavych fihur u suśvietnaj džynsavaj industryi. U 1970— 1980‑ia hady jon udzielničaŭ u stvareńni i raźvićci niekalkich viadomych brendaŭ, u tym liku Diesel, jaki zasnavaŭ razam z Renca Rosa. Paźniej jon taksama zapuściŭ marki Replay, Goldsign i AG Adriano Goldschmied.
Jaho časta nazyvali «chrosnym baćkam denimu» za vialiki ŭniosak u raźvićcio hetaj haliny. Jon adnym ź pieršych pačaŭ ekśpierymientavać z apracoŭkaj džynsavaj tkaniny — vykarystoŭvaŭ efiekt štučnaha stareńnia, niestandartnyja kolery i novyja padychody da kroju. Ź ciaham času hetyja idei stali standartam u industryi.
U 2000‑ia hady dyzajnier aktyŭna pracavaŭ u ZŠA, dzie raźvivaŭ premijalnyja linii denimu i supracoŭničaŭ z bujnymi vytvorcami. Jaho brendy śpiecyjalizavalisia na jakasnych džynsach z akcentam na kroj i technałohii apracoŭki.
Da apošnich hadoŭ Holdšmid zastavaŭsia aktyŭnym u śfiery mody — pracavaŭ jak kansultant i pradprymalnik.
Čytajcie taksama:
Pamior stvaralnik rasijskaj hipierhukavoj rakiety «Cyrkon»
Hałoŭny trenier handbolnaha kłuba «Miaškoŭ» pamior va ŭzroście 50 hadoŭ