Praź Minsk budzie chadzić mieniej hruzavych ciahnikoŭ
U Biełarusi zaviaršyli elektryfikacyju Minskaha čyhunačnaha vuzła. Apošnim etapam stali raboty na ŭčastku Michanavičy — Hatava.
Pieršy hruzavy ciahnik na elektraciazie prajšoŭ praz stancyju Michanavičy 6 krasavika.
«U ciahniku vahoj 5,3 tys. t 57 vahonaŭ z ekspartnymi kalijnymi ŭhnajeńniami», — paviedamili ŭ pres‑centry BČ.
Elektryfikacyja Minskaha čyhunačnaha vuzła maje vialikaje značeńnie, u tym liku dla stalicy. Ciapier stała mahčymym pieranakiroŭvać hruzavyja ciahniki, jakija ruchajucca pa maršrucie Asipovičy — Orša, u abchod Minska.
Heta źmienšyć na 20% kolkaść hruzavych ciahnikoŭ, jakija kursujuć praź ciesna zasielenyja rajony horada. Takija źmieny stanoŭča adabjucca na ekspłuatacyjnych pakazčykach i ekałahičnaj situacyi ŭ rehijonie, adznačyli ŭ BČ.