«Hałodnyja hulni». Zaŭziatary — pra sproby kupić bilety na chakiejnaje «Dynama»
Paniadziełak vydaŭsia haračym dla zaŭziataraŭ chakiejnaha «Dynama». Paśla abiedu ŭ prodaž pastupili bilety na dva chatnija matčy minčan suprać kazanskaha «Ak Barsa», što vyklikała nieabyjakavy ažyjataž. Onliner.by raspaviadaje, jak minčanie sprabavali nabyć bilety i ci vytrymaŭ sajt apieratara taki napłyŭ žadajučych.
«Ja łaviła svoj bilet dźvie hadziny»
Prodaž biletaŭ na matčy z «Ak Barsam» prachodziŭ u dva etapy (pieršy matč u čaćvier, druhi — u subotu). Spačatku vykupić svaje miescy sa źnižkaj 25% mahli ŭładalniki siezonnych abaniemientaŭ, a ŭčora a 16:00 takaja mahčymaść źjaviłasia i ŭ astatnich zaŭziataraŭ.
Ale z prablemaj kupić bilety sutyknulisia i tyja, chto sprabavaŭ heta zrabić praź internet — na sajcie ticketpro.by. Pa ich słovach, servis pracavaŭ z pamyłkami i zavisaŭ. Svaimi historyjami zaŭziatary padzialilisia ŭ Threads:
- «Chacieła pasprabavać pośpiech i kupić bilety na chakiej. Ale tut niejkija «Hałodnyja hulni». 1. Sajty Tykietpro i Dynama lehli jašče da startu prodažaŭ. 2. Advisnuŭšy praz 13 chvilin, mianie čakaŭ taki «šykoŭny» vybar. 3. A što naohuł z prajsam? Nie chaču abiasceńvać pracu spartsmienaŭ i inšaje, ale zdajecca, ci heta tu mač? 600 r. za dva bilety? I toje, jašče za ich pazmahacca treba. Adčuvańnie, što ja nikoli nie zvažu baćku na chakiej».
- «Kupić bilet nie atrymałasia. Usio ŭstała. Sprabavała z telefona i kampjutara».
- «U nas naohuł usie miescy kudy nie naciśni na svabodnaje — zabraniravana, i visieli pa chvilin 30 svabodnymi. Kupić nie zmahli».
- «Ja łaviła svoj dźvie hadziny. Abnaŭlała i tykała ŭ «aktyŭnyja» miescy, pakul choć štości nie trapiła ŭ košyk. Tak što šancy jość».
- «Žonka začapiła 2 bilety pa 80 r. viečaram, prykładna ŭ 20:50. U čarhovy raz zajšła, i ŭ momancie jany źjavilisia. Litaralna siekunda, i 3 bileta byli ŭžo kimści zabraniravany, astatnija 2 našy. Sprabujcie, pośpiechu!»
- «Mnie ŭčora ŭśmichnuŭsia pośpiech, viečaram źjaviłasia dva bileta za 60 rubloŭ, miescy viadoma nie samyja lepšyja, ale ja vielmi ščaślivaja. Heta prama łatareja, na sajcie na starcie prodažaŭ praviała kala 2 hadzin i navat u košyk nie ŭdavałasia dadać, a viečaram na ździŭleńnie ŭdałosia kupić».
«Adnačasova ŭ raździele ź biletami na «Dynama» znachodziłasia da 20 tys. karystalnikaŭ»
Kab zrazumieć, što adbyłosia z sajtam i ci sapraŭdy jon «zavis», žurnalisty źviarnulisia za kamientarom u kampaniju Ticketpro:
— Za ŭvieś čas prodažaŭ biletaŭ na padobnyja mierapryjemstvy my zafiksavali ŭčora rekordnuju cikavaść z boku zaŭziataraŭ, — kaža namieśnik dyrektara pa techničnaj častcy Alaksandr Okišaŭ. — U pikavyja momanty nahruzka na sistemu pieravyšała tysiaču zapytaŭ u siekundu. Ale prodažy prachodzili. Choć zrazumieła, što dzieści niešta krychu daŭžej prahružałasia, čym zvyčajna. Adnak bilety možna było nabyć. Akramia kas, kali havorym pra internet, jany byli raźmieščany na našym sajcie. Taksama vidžety z kuplaj biletaŭ znachodzilisia na internet-partale «Dynama». U pracesie my nieadnarazova fiksavali DoS-ataki i aŭtamatyzavanyja skupki biletaŭ botami. Ale naša kamanda ich apieratyŭna spyniała, tamu pracazdolnaść prodažaŭ padtrymlivałasia kožnuju siekundu.
— A čym byli vyklikany zatrymki ŭ razdrukoŭcy biletaŭ?
— Pa łahach sistemy baču, što takich prablem nie było. Kasy pracavali ŭ standartnym režymie. Kali heta datyčyłasia «Minsk-Areny», mahčyma, tam byli prablemy z dostupam u internet. Pieryjadyčna takoje zdarajecca, i zapyty doŭha apracoŭvajucca. Ale, pa manitorynhach, naša sistema pracavała, i bilety štosiekundna adpraŭlalisia i vychodzili na druk. U artykule, jaki vyjšaŭ na Onliner, napisana, što čakańnie biletaŭ składała da 30 chvilin. U heta ja nie vieru. Heta dakładna vyklučana.
— Ludzi pišuć u «Treds», što sajt padvis i jany niejki čas nie mahli adkryć bilety. Z čym heta źviazana?
— Z-za D0S-atak i ažyjatažu dostup na sajt moh troški pravisać, a staronka, dzie ŭładkovana realizacyja biletaŭ z kartaj zały, pracavała spraŭna.
— Kolki ludziej adnačasova znachodzilisia ŭ raździełach ź biletami?
— Adnačasova da 20 tys. karystalnikaŭ.
— Vierahodnaść taho, što bilety byli kupleny botam, a nie realnym čałaviekam, adsutničaje?
— Tak, usie padazronyja zapyty, jakija išli z adnaho «ajpišnika», my spyniali.