Pad Hrodnam naradziłasia aviečka-panda FOTY
Na adnoj ź fiermaŭ pad Hrodnam naradziłasia niezvyčajnaje jahnia ź vielmi aryhinalnaj maściu. Žyviolinu nazvali Pipa, i jana ŭžo stała papularnaja ŭ sacsietkach, piša Newgrodno.by.
Asablivaść jahniaci ŭ tym, što jano padobnaje da pandy: u jaho śvietłaja mordačka i ciomnyja kruhi vakoł vačej. Mienavita z-za hetaha niezvyčajnaha vyhladu jano pryciahnuła ŭvahu ludziej.
Niahledziačy na «pandapadobny» vyhlad, Pipa maje zusim nie spakojny, a viasioły i hullivy charaktar — jana šmat ruchajecca i nie siadzić na miescy.
Haspadynia fiermy raskazała, što jahnia — heta mietys z roznymi hienami, u tym liku ramanaŭskaj parody i miasnych linij. Jana adznačyła, što žyviolina atrymałasia asablivaj.
Achvotnych kupić Pipu ŭžo šmat, ale haspadary pryniali rašeńnie jaje nie pradavać — ličać žyviolinu častkaj svajoj siamji. Jahnia naradziłasia 27 sakavika i za karotki čas stała ŭlubionkaj usich.
Čytajcie taksama:
Biełaruski padletak viadzie tyktok pra žyćcio na chutary i sabraŭ amal 400 tysiač padpisčykaŭ
U Hrecyi papiaredzili pra deficyt syru fieta, bo stali masava chvareć aviečki
Kala Kałožy ŭ Hrodnie źjaviŭsia žyvy viartep
Ksiondz u Bieniakoniach trymaje 300 indykoŭ, kur i pierapiołak