U Budapiešcie znajšli nieviadomuju raniej viersiju karciny Van Hoha
U Budapiešcie vyjavili pałatno, jakoje, na dumku śpiecyjalistaŭ, źjaŭlajecca nieviadomaj raniej rabotaj niderłandskaha mastaka Vinsenta Van Hoha. Pra heta zajaviła mastactvaznaŭca Žofija Viehvary, kiraŭnica łabaratoryi vyvučeńnia žyvapisu.
Žofija Viehvary z karcinaj. Fota: Pozsonyi Zita
Pałatno było znojdziena padčas daśledavańnia niekalkich rabot, pradstaŭlenych zamiežnym kalekcyjanieram. Pa słovach ekśpiertki, nie vyklučana, što znojdziena jašče adna viersija znakamitaj karciny «Tancavalnaja zała ŭ Arle», datavanaj 1888 hodam. Aryhinał znachodzicca ŭ paryžskim muziei Arse.
Karcina Van Hoha «Tancavalnaja zała ŭ Arle»
Papiaredni analiz farbaŭ, pałatna i hruntoŭki dazvalaje vykazać zdahadku, što tvor stvorany ŭ pieryjad z 1885 pa 1890 hod i sapraŭdy moža naležać pendźlu Van Hoha. Viehvary nahadała, što mastak časta pisaŭ niekalki varyjantaŭ adnoj kampazicyi, pra što zhadvaŭ u listach da svajho brata Tea.
Jak adznačaje internet-vydańnie Blikk, u vypadku paćviardžeńnia sapraŭdnaści karciny adkryćcio stanie adnym z samych hučnych u mastactvie XXI stahodździa. Dyrektarka łabaratoryi pakul nie raskryvaje imia ŭładalnika karciny i akaličnaści jaje źjaŭleńnia ŭ kalekcyi.