Biełaruscy pahražaje departacyja z Polščy. A pačałosia z taho, što jana paskardziłasia ŭ palicyju na chatni hvałt
Bytavaja svarka moža skončycca dla 24‑hadovaj biełaruski departacyjaj z Polščy. Jana patelefanavała ŭ palicyju, kab zajavić ab chatnim hvałcie, ale palicyjanty, jakija prybyli na miesca, vyjavili, što ŭ jaje niama dakumientaŭ, jakija dajuć prava znachodzicca ŭ krainie, raskazvaje Most.
Ilustracyjny zdymak. Fota: Strazgraniczna.pl
Incydent adbyŭsia ranicaj 30 sakavika ŭ Hrodzisku-Vielkapolskim. Biełaruska paviedamiła ŭ palicyju, što jaje partnior raspačaŭ svarku, padčas jakoj staŭ ahresiŭnym i ŭdaryŭ jaje.
Nieŭzabavie na numar ekstrannaj dapamohi patelefanavaŭ sam mužčyna. Jon śćviardžaŭ, što paśla svarki jaho vyhnali z kvatery.
Kali palicyjanty prybyli na miesca, zvyčajnaja ŭ takich vypadkach pravierka ŭdzielnikaŭ dała niečakanyja vyniki. Akazałasia, što ŭ žančyny niama dakumientaŭ, jakija lehalizujuć znachodžańnie ŭ Polščy.
Jaje pieradali supracoŭnikam Pamiežnaj słužby ŭ Poznani. Viedamstva prymie miery ab mahčymaj departacyi biełaruski.