Pajšoŭ z žyćcia dziciačy reanimatołah i vykładčyk BDMU Alaksiej Kułahin
Ministerstva achovy zdaroŭja paviedamiła pra śmierć kandydata miedycynskich navuk, dacenta Alaksieja Jaŭhienaviča Kułahina. Jon uznačalvaŭ kafiedru dziciačaj aniestezijałohii i reanimatałohii Biełaruskaha dziaržaŭnaha miedycynskaha ŭniviersiteta. Jamu było 70 hadoŭ.
Alaksiej Kułahin zrabiŭ značny ŭniosak u raźvićcio ajčynnaj miedycyny. Dziakujučy jaho dziejnaści ŭ kliničnuju praktyku byli šyroka ŭkaranionyja novyja mietady aniestezii ŭ dziaciej, paviedamlaje ministerstva. Asnoŭnyja navukovyja daśledavańni vučonaha byli pryśviečany pavyšeńniu jakaści aniestezijałahičnaj dapamohi i intensiŭnaj terapii hnojna-sieptyčnych stanaŭ u dziaciej.
Akramia navukovaj i vykładčyckaj pracy sa studentami, Alaksiej Jaŭhienavič prymaŭ aktyŭny ŭdzieł u lačeńni pacyjentaŭ: štohod jon ahladaŭ da 2000 dziaciej u adździaleńniach intensiŭnaj terapii i reanimacyi pa ŭsioj krainie.