HUR zajaviŭ, što vyvieŭ z ładu apošni čyhunačny parom Rasii ŭ Kierčanskim pralivie
U noč z 5 na 6 krasavika ŭ vyniku apieracyi HUR MA Ukrainy byŭ źniščany parom «Słavianin», paviedamiŭ HUR. Pavodle infarmacyi pres-słužby, heta apošniaje sudna takoha typu, jakoje rasijskija vojski vykarystoŭvali dla čyhunačnych pieravozak praz Kierčanski praliŭ.
Pavodle źviestak HUR, ataka była ŭ noč z 5 na 6 krasavika 2026. Udarami BPŁA USU vyvieli z ładu «Słavianina» — apošni čyhunačny parom rasijskaha vojska ŭ Kierčanskaj pratocy, što zastavaŭsia na płavie.
«Słavianin» adyhryvaŭ važnuju rolu ŭ zabieśpiačeńni rasijskaha vajskovaha kantynhientu ŭ časova akupavanym Krymie paliŭnymi materyjałami, uzbrajeńniem, vajskovaj technikaj i bojeprypasami.
U sakaviku hetaha hoda śpiecpadraździaleńni HUR vyvieli z ładu inšy čyhunačny rasijski parom — «Avanharda» i tady ž nanieśli «Słavianinu» paškodžańni.
«Sistemnaje źniščeńnie łahistyčnych mahčymaściaŭ ahresara praciahvajecca», — havorycca ŭ zajavie HUR.