«Viasnu» ŭzłamali? Nie, heta fejk
Śpiecsłužbisty apublikavali zapisy starych unutranych sustreč i treninhaŭ «Viasny», jakija zmahli atrymać u 2021 hodzie padčas aryštaŭ pravaabaroncaŭ. Ale prapahandysty chłusiać, što heta nibyta vynik śviežaha ŭzłomu.
Na apublikavanych videa sieminary dla vałancioraŭ, jakija prachodzili da 2021 hoda. Ludziam tady tłumačyli, jak pavodzić siabie, kali ciabie zatrymali, jak razmaŭlać ź milicyjaj i što rabić, kali trapiŭ u aŭtazak. Heta była tradycyjnaja pravaabarončaja vučoba, kab ludzi viedali svaje pravy.
Hetyja videa i dakumienty siłaviki zabrali jašče piać hadoŭ tamu, padčas pieratrusaŭ u 2020—2021 hadach. Hetyja ž fajły fihuravali ŭ sudzie nad Alesiem Bialackim i inšymi viasnoŭcami.
Prapahanda dastała sa śledčych archivaŭ fajły i vyrašyła pakazać ich jak śviežy chakierski zdabytak.
Sami pravaabaroncy kažuć, što nijakich prykmiet novaha vycieku danych niama.