Biełarusa zatrymali na Bali z narkotykami: jamu pahražaje pažyćciovaje źniavoleńnie
Na vostravie Bali palicyja zatrymała 29‑hadovaha biełarusa. Jaho padazrajuć u handli narkotykami ŭ składzie mižnarodnaj sietki.
Palicyja atrymała navodku, što praz paštovaje adździaleńnie ŭ turystyčnym rajonie Kuta iduć padazronyja pasyłki. Biełarus prydumaŭ chitruju schiemu: jon vykarystoŭvaŭ danyja miascovaha žychara, kab toj atrymlivaŭ pasyłki na svajo imia, a potym pakidaŭ ich u łobi hatela. Biełarus zabiraŭ ich paźniej.
Padčas pieratrusaŭ u mužčyny kanfiskavali amal paŭkiłahrama marychuany, jakuju jamu dasłali sa Šviejcaryi praz znajomaha ŭ telehramie, i kala 34 hramaŭ kakainu, jaki, pavodle jaho słoŭ, jon pryvioz z Hruzii.
Zatrymany nidzie aficyjna nie pracavaŭ i, pa viersii śledstva, zajmaŭsia raspaŭsiudžvańniem narkotykaŭ siarod turystaŭ.
U Indaniezii surovaje antynarkatyčnaje zakanadaŭstva. Ciapier biełarusu pahražaje až da pažyćciovaha źniavoleńnia.