U Akademii navuk zaklikali biełarusaŭ aktyŭna łavić try vidy ryb

U Nacyjanalnaj akademii navuk Biełarusi zaklikali nasielnictva aktyŭna vyłoŭlivać try vidy invaziŭnych ryb, jakija ličacca škodnymi dla miascovaj pryrody. Hetyja vidy ŭklučanyja ŭ tak zvanuju «Čornuju knihu» invaziŭnych žyvioł, piša Telegraf.news.

Havorka idzie pra amierykanskaha somika, ratana-hałaviešku i byčka-piasočnika. Usie jany nie źjaŭlajucca naturalnymi dla biełaruskich vadajomaŭ i mohuć nanosić škodu miascovym vidam ryb.

Byčok-piasočnik

U vialikich rekach kolkaść pradstaŭnikoŭ hetych vidaŭ častkova rehulujuć drapiežnyja ryby, ale ŭ nievialikich aziorach i sažałkach, dzie ŭ ich niama naturalnych vorahaŭ, jany chutka razmnažajucca. Jany kankuryrujuć ź miascovymi vidami za ježu i mohuć źniščać ich maładniak, tym samym paharšajučy stan vodnych ekasistem.

Amierykanski somik

Kab strymać ich raspaŭsiudžvańnie, u Biełarusi dazvolena vyłoŭlivać hetyja vidy biez abmiežavańniaŭ pa kolkaści i vazie. Śpiecyjalisty navat zaklikajuć rybałovaŭ rabić heta bolš aktyŭna, kab pamienšyć škodu dla pryrody.

Ratan-hałavieška

Pry hetym asabliva padkreślivajecca, što hetych ryb nielha pieranosić u inšyja vadajomy, bo heta tolki ŭskładnić prablemu i paspryjaje ich dalejšamu raspaŭsiudžvańniu.

Kamientary da artykuła