Zialenski zajaviŭ, što nie źbirajecca vyvodzić vojski z Danbasa
Prezident Ukrainy zajaviŭ, što hatovy sustrecca z Pucinym.
Fota Sean Gallup / Getty Images
Uładzimir Zialenski ŭ razmovie z žurnalistami skazaŭ, što Ukraina nie moža prosta abmiarkoŭvać pieradaču Danbasa.
«Kali pakinuć jaho Rasii, jany zojmuć našy najbolš abaronienyja pazicyi biez strat. Stvareńnie novych umacavanych linij moža zaniać hod, a to i paŭtara. Jany zmohuć atakoŭvać Charkaŭ i inšyja harady, jakija ŭnosiać značny ŭkład u naš VUP. I heta pryviadzie da raskołu ŭ hramadstvie, a lubaja ŭnutranaja raźjadnanaść — klučavaja meta Pucina i pahroza našaj niezaležnaści», — miarkuje jon.
Zialenski zaznačyŭ, što padčas čatyroch hadoŭ byli pamyłki;
«Viadoma, byli pamyłki, usie pamylajucca. Patrebna viarnucca da 90‑ch i pačatku 2000-ch, ale navat tady Pucin znajšoŭ by pryčynu dla ŭvarvańnia», — dadaŭ jon
Taksama jon skazaŭ, što hatovy sustrecca z Pucinym.
Što da praviadzieńnia prezidenckich vybaraŭ, to, pavodle Zialenskaha, pravodzić ich ciapier supiarečyć zakonu ab vajennym stanoviščy.
«Akramia taho, treba zabiaśpiečyć biaśpieku ludziej i sałdat, jakija pavinny hałasavać. Jak heta zrabić padčas ataki?» — kaža jon.