Taksi paprasili ŭ MARH dazvołu padniać taryfy
Biełaruskija taksisty źviarnulisia ŭ Ministerstva antymanapolnaha rehulavańnia i handlu z prośbaj padniać taryfy. Asacyjacyja pieravozčykaŭ pasažyraŭ aŭtamabilami-taksi padzialiłasia adkazam.
U viedamstvie paviedamili, što taryfy na pasłuhi taksi nie padlahajuć dziaržaŭnamu cenavamu rehulavańniu. Subjekty vyznačajuć ich samastojna, uličvajučy šmatlikija faktary: vydatki, kanjunkturu rynku, markietynhavuju palityku i inšyja.
— Ciapier u śfiery transpartu padlahajuć cenavamu rehulavańniu tyja pasłuhi, jakija zabiaśpiečvajuć sacyjalnyja standarty i harantyi nasielnictvu pry rehularnych pieravozkach pasažyraŭ, — adznačyli ŭ MARH.
Tam paraili pry pryniaćci rašeńniaŭ ab pavyšeńni cen prytrymlivacca ahulnanacyjanalnych padychodaŭ spraviadlivaha cenaŭtvareńnia i prahnazavanaha na 2026 hod uzroŭniu inflacyi (7%).
— U suviazi z hetym rost taryfaŭ na pasłuhi pa pieravozcy pasažyraŭ aŭtamabilami-taksi ŭ prapanavanym Asacyjacyjaj pamiery (na 30%) zaraz nie padtrymlivajecca MARH, — havorycca ŭ paviedamleńni.
Pa infarmacyi viedamstva, mahčymy paŭtorny zvarot ab pavyšeńni taryfaŭ taksi pa vynikach I paŭhodździa 2026 hoda z ulikam pakazčyka indeksa spažyvieckich cen.